احساس نشوونما

کیا آپ ماؤں اوردو سال سے کم عمر بچوں کی بہتر صحت کیلئے وظیفہ اوراضافی خوراک حاصل کرنا چاہتے ہیں؟

احساس نشوونماپروگرام

احساس نشوونما پروگرام کیاہے؟

احساس نشونما حکومت پاکستان کا صحت اور غذائیت سے متعلق مشروط مالی معاونت کا پروگرام ہے جس کا مقصد 23 ماہ سے کم عمر کے بچوں میں اسٹنٹنگ (بیماری) کے مسئلہ پر قابو پانا ہے یعنی احساس نشوونما پروگرام کا مقصد 23 ماہ سے کم عمر کے بچوں میں اسٹنٹنگ کے مسئلے پر قابو پانے کیلئے سہولیات فراہم کرنا ہےتاکہ اس مرض سے بچوں کو بچایا جاسکے۔

احساس نشوونما پروگرام کی ضرورت کیوں؟

u عالمی ادارہ صحت کے مطابق، اسٹنٹنگ بچے کی نشوونما میں پائی جانے والی وہ کمزوری ہے جو ناقص غذا اورمسلسل انفیکشن کے باعث ہوتی ہے۔

u پاکستان میں اسٹنٹنگ 40.2 فیصد، کم وزنی 28.9 فیصد اور ویسٹنگ 17.7 فیصد کی بلند شرح بچوں میں جاری غذائی بحران کی وجہ سےہے۔ اسٹنٹنگ سے دماغی افعال، اعضا کی نشوونما اور مدافعتی نظام پر منفی اثر پڑتا ہے جس سے بالآخر پیداواری صلاحیت محدود ہو جاتی ہے۔

u اس پروگرام کےتحت غذائی قلت کےاس اہم مسئلے کو حل کرنے کا عزم کیاگیاہے۔ اس وژن کی مناسبت سے احساس نے یہ نیا غذائیت سے متعلق مشروط مالی معاونت کا پروگرام تشکیل دیا ہے۔

احساس نشوونما پروگرام کی سہولیات

u حاملہ اور دودھ پلانے والی خواتین اور 23 ماہ سے کم عمربچوں کیلئے خصوصی غذائیت سے بھر پور خوارک کی فراہمی اور سہ ماہی بنیاد پر مشروط مالی معاونت کا مقصد صارفین کیلئے صحت اور غذائیت بخش خدمات کے حصول میں آسانی پیدا کرنا ہے۔

u حاملہ اور دودھ پلانے والی خواتین اور بچوں کیلئے-/1,500 روپے فی سہ ماہی وظیفہ اور بچی کیلئے -/2,000 روپے فی سہ ماہی وظیفہ

u حاملہ اور دودھ پلانے والی خواتین اور 23ماہ سے کم عمر بچوں کیلئے حفاظتی ٹیکے

u بچوں کو دودھ پلانے، حفظان صحت اور غذا سے متعلق آگاہی سیشن

u سہ ماہی بنیادوں پر قبل از پیدائش / بعد از پیدائش دیکھ بھال

احساس نشوونما پروگرام کااطلاق

u اس پروگرام کا مجموعی بجٹ 32 ارب روپے ہےجومکمل طور پر حکومت پاکستان فراہم کر رہی ہے۔

u پہلے مرحلے میں احساس نشوونما کوملک کے 15 اضلاع میں شروع کیا گیا ہے جن کا انتخاب زیادہ اسٹنٹنگ ریٹ کی بنیاد پر اورمتعلقہ صوبائی محکمہ صحت کے مشورے سے کیا گیا ہے۔

u تحصیل کی سطح پر احساس نشوونما کے 50 مراکز قائم کئے گئے ہیں جن کے تحت ایک ہی جگہ پرصحت سے متعلق تمام سہولیات و خدمات کی فراہمی ممکن ہو ئی ہے۔

u پروگرام کی تمام سرگرمیاں سرانجام دینے کیلئے عالمی ادارہ خوراک کی بطور عملدرآمدی شراکت دار خدمات حاصل کی گئیں ہیں۔

احساس نشوونما پروگرام چیکنگ /ٹریکنگ

u احساس نشوونما سینٹرز میں احساس نشوونما اینڈرائیڈ اپلیکیشن کے ذریعے مستحق ماؤں اور بچوں کو پروگرام میں رجسٹر کیا جاتا ہے اور ایپ کے ذریعے ان کو ٹریک کیا جاتا ہے نیز، غذائیت سے بھر پور خوراک کے پیکٹ پر کنندہ بارکوڈز اور سیریل نمبر کے ذریعے تقسیم اور کھپت کو بھی ٹریک کیا جاتا ہے۔

u 15 لاکھ متوقع مستحقین اس پروگرام کے اہداف ہیں۔

u پروگرام کا آغازاگست 2020 سے ہوا ہے۔ پروگرام کا دورانیہ تین سال ہے۔ اگست 2020 سے 15 اضلاع میں 50 احساس نشوونما مراکز کھولے جا چکے ہیں۔ ہر ضلع میں احساس نشوونما مراکز کھولے جائیں گے۔

احساس نشوونما اہلیت کا معیار

u حاملہ اور دودھ پلانے والی خواتین اور 23 ماہ سے کم عمر بچے شامل ہیں۔

u یہ پروگرام حکومت پاکستان کے کفالت گھرانوں پر توجہ مرکوز کرتاہے۔

u مستحق خواتین کو لیڈی ہیلتھ ورکرز اور لیڈی ہیلتھ سپر وائزرز کے ذریعے سماجی طور پر متحرک کیا جاتا ہے۔

مستحقین کیلئے لازمی پیرامیٹرز

u حفظان صحت، دودھ پلانے اور غذا سے متعلق آگاہی سیشن میں حصہ لینا

u سہ ماہی بنیادوں پر حفاظتی ٹیکے لگوانا

u سہ ماہی بنیادوں پر قبل از پیدائش اور بعد از پیدائش دیکھ بھال

u ہرسہ ماہی میں کم از کم %90 غذائیت سے بھر پور غذا کا استعمال

پروگرام کے تحت مستحقین کی گریجویشن اوراخراج کا معیار

u حاملہ اور دودھ پلانے والی خواتین کی صورت میں زیادہ سے زیادہ 15ماہ کی مدت کے بعد 9 ماہ کا حمل اور دودھ پلانے کے 6 ماہ

u بچوں کیلئے زیادہ سے زیادہ 23 ماہ کی مدت

مستحقین کوپروگرام سے درج ذیل صورتوں میں خارج کر دیاجائیگا

u لگاتار دوسہ ماہیوں میں عمل نہ کرنے کی صورت میں

u جب حمل ختم ہوجاتا ہے بشمول اسقاط حمل

احساس نشوونماپروگرام میں شامل اضلاع

پروگرام کے ابتدائی مرحلے میں راجن پور، خانیوال، خیبر، دیر بالا، قلات،سوراب، لسبیلہ، باغ، ہٹیاں بالا، کھرمنگ، دیامر، استور، بدین، دادو اور اسلام آباد شامل ہیں۔