گنٹھیا کیا ہے، گنٹھیا کی علامات اورگنٹھیا  کا علاج کیسے کریں؟

گنٹھیا کیا ہے ؟

گنٹھیا ایک ایسی مرض ہے جس میں جسمانی  اعضا کے جوڑوں خاص کرگھٹنا میں شدیددرد ہوتاہےاسے گھٹنے کا درد بھی کہتے ہیں۔ جس سے چلنے پھرنے اور کام کرنے  میں دشواری  ہوتی ہےیعنی ٹانگوں  میں اور باقی اعضا خاص کر جوڑوں میں شدید درد  ہوتاہے۔ گنٹھیا  ریح واء کی ایک قسم ہے۔سائنس دانوں کی  تحقیق کے مطابق دنیا میں گنٹھیا کے 53 کروڑ مریض ہوچکے ہیں۔

تیس سال میں گنٹھیا کے مریضوں کی عالمی تعدادپونے25 کروڑسے بڑھ کر  پونے 53کروڑ ہوچکی ہے۔چین کے طبّی ماہرین نے خبردار کیا ہے کہ دنیا میں گنٹھیا کے مریضوں کی تعداد میں مسلسل اضافہ ہورہا ہے اور آج یہ بیماری ایک عالمی مسئلے کے طور پر سنگین سے سنگین صورت اختیار کرتی جارہی ہے۔

گزشتہ تیس سال کے دوران دنیا بھر میں گنٹھیا کے پھیلاؤ سے متعلق جاننے کےلیے انہوں نے ’’گلوبل برڈن آف ڈِزیز‘‘ نامی ایک مطالعے کے تحت 1990 سے 2019 تک جمع شدہ اعداد و شمار کا تجزیہ کیا۔ یہ مختلف بیماریوں کے معاشی اور معاشرتی بوجھ کے بارے میں سب سے بڑا عالمی مطالعہ بھی ہے جس میں 156 ملکوں اور علاقوں کے 7,000 سے زیادہ طبّی ماہرین شریک ہوئے ہیں۔ جب اس مطالعے کے اعداد و شمار کو بطورِ خاص گنٹھیا کے حوالے سے جانچا گیا تو معلوم ہوا کہ 1990 میں گنٹھیا کے مریضوں کی عالمی تعداد 24 کروڑ 75 لاکھ تھی جو اگلے 30 سالوں  میں، یعنی 2019 کے اختتام تک، بڑھ کر 52 کروڑ 78 لاکھ ہوچکی تھی۔ اگر گنٹھیا کے پھیلاؤ میں اضافے کا سلسلہ اسی طرح جاری رہا تو خدشہ ہے کہ 2050 تک اس کے مریضوں کی تعداد ایک ارب سے زیادہ ہوجائے گی جبکہ اس پر آنے والے اخراجات بھی آج کے مقابلے میں کئی گنا بڑھ جائیں گے۔اس بیماری کا معاشی اور معاشرتی دباؤ نظرانداز نہیں کیا جاسکتا۔آبادی، عمر رسیدہ افراد کی تعداد اور موٹاپے میں تیز رفتار عالمی اضافے کی بنا پر مستقبل قریب میں اس بیماری (گنٹھیا)  کا دباؤ بھی یقینی طور پر بڑھے گا۔ مزیدترقی یافتہ اور امیر ممالک کے لوگ گنٹھیا میں زیادہ مبتلا دیکھے گئے جبکہ مردوں کی نسبت خواتین کی زیادہ تعداد میں گنٹھیا کا مشاہدہ ہواتوگھٹنے، کولہے اور دوسرے جوڑوں کی گنٹھیا میں اضافہ ہوا جبکہ ہاتھوں کی گنٹھیا میں کمی واقع ہوئی۔

گنٹھیا  کا علاج کیسے کریں؟

گنٹھیا سے بچنے کیلئے سب سے پہلے احتیاط ضروری ہے وہ یہ ہے کہ ریسرچ جرنل ’’آرتھرائٹس اینڈ رہیومیٹولوجی‘‘ کے تازہ شمارے میں شائع ہونے والی اس ریسرچ رپورٹ کے مصنفین نے کہا ہے کہ گنٹھیا سے بچنے کےلیے زیادہ چلنے پھرنے اور جسمانی مشقت کرتے رہنے کی ضرورت ہے تاکہ ہم موٹاپے کا، اور اس کے نتیجے میں گنٹھیا کا شکار نہ ہوں۔اس کے علاوہ، جسمانی ورزش بھی گنٹھیا سے چھٹکارا پانے میں ہماری بہت مدد کرسکتی ہے۔

ا سکے علاوہ دیسی ادویات کا استعمال کرنا اچھا ہے ۔ حب مصبر بھی استعمال کیا جاسکتاہے اور معجون اذراقی بھی مفید ہے ۔