لہسن کیاہے اور لہسن کے فوائد کیا ہیں؟ اوراس کو کیسے استعمال کیا جائے؟

لہسن کیاہے اوراس کو کیسے استعمال کیا جائے؟

گاڑھے خون کو رقیق(پتلا) کرنے ، دل اور دماغ کو طاقت دینے  کے لیے بطوردواء استعمال کیا جانے والا قدرتی سبزی ’ لہسن‘ پیاز کے خاندان سے تعلق رکھتا ہے۔ اگر چہ افادیت کے لحاظ سے اس کا کوئی ثانی نہیں، مگر بعض حضرات کو افادیت کے علاوہ دوسرے اعضاء کو ضرر بھی پہنچاتا ہے۔لہذاجدید ادویات استعمال کرنے والے دل کے مریضوں کے لئے لہسن کا استعمال بہتر نہیں ہے۔

لہسن میں بہت سی غذائیت اور حیاتین پائی جاتی ہیں جو جزو اس کی چرچراہٹ اورتیز ذائقے کےوارث ہیں وہ ’ایلی سین‘ ہےاسکے علاوہ اور بھی  اجزاء شامل ہیں۔ موٹاپے اور وزن کم کرنے کے لیے لہسن بہت مفید ہے، مگر جدید ادویہ کی طرح خامرات یعنی خاص انزائم پر اثر انداز نہیں ہوتا ، بلکہ بھوک کم کرتا ہے اور استحالہ (میٹابولزم) بڑھاتا ہے۔

لہسن کا استعمال

 لہسن کے جزو ’ ایلی سین‘ کو اثر کرنے کے لیے اس کے ٹکڑے کیے جاتے ہیں وگرنہ یہ جز جسم میں استعمال نہیں ہوتا۔ لہسن میں اور بھی اجزاء مثلاً ایلین، سلفر، فائبر، حیاتین ADE، کیلشیم، سیلینیم، کاپر، جست وغیرہ پائے جاتے ہیں ۔اس کے علاوہ  غذائیت مہیا کرنے والے لحمیات  (ارجینائین، لائیسین وغیرہ )بھی پائی جاتی ہیں۔ یہ  لحمیات جسم کو باہر سےچاہیے ہوتی ہیں اور جسم کی نشوونما کے لیے مخصوص بھی ہیں۔ بچوں کا قد بڑھانے ، بالوں کی نشوونما، قوتِ مدافعت ، جلد کی نشوونما، خون کو صاف کرنا، دماغ کو قوت بخشنا بھی انہی ’ امائی نو ایسڈ ‘ کے مرہون منت ہیں۔

لہسن کے فوائد

لہسن کے بہت سے فوائد ہیں ۔یہاں رپر چند کا ذکرکررہا ہوں۔

1۔ سرد موسم میں نزلہ ، زکام ، نمونیا ، سینے اور ہڈیوں کے درد کیلئے مفیدہے کیونکہ مزاج گرم اور خشک درجہ چہارم پر فائز ہے۔سرد موسم میں سوائے تیزابیت کے مریضوں کے کوئی بھی استعمال کر سکتا ہے۔

2۔ وزن کم کرنے کے لیے لہسن کا عرق زیادہ بہتر ہے اور اس کا استعمال نہار منہ زیادہ مناسب ہے، مگر تیزابیت بڑھ  جانے کے خوف سے لہسن کیساتھ دیسی مرغ کی یخنی پینے کی ہدایت کی جاتی ہے۔

3۔دل کے مریضوں کو لہسن کھانامفید ہےکیونکہ اس میں تھوڑی مقدار میں ’ کو انزائم کیو ٹین‘ ہے جو عضلات کے ریشوں کو پیدا کرتا ہے، مگرجو دل کا مریض جدید ادویہ استعمال کررہا ہے تو وہ لہسن نہ کھائے کیونکہ دل کے مریضوں کا جگر اور گردہ بہت کمزور ہوتا ہے، ایک دم فیل ہونے لگتے ہیں۔

4۔ شریان کو عریض کرنے کے لیے مفیدہےجو چربی شریانوں کو تنگ کرتی ہے ، اسے پگھلادیتا ہے۔اسی وجہ سے جن اشخاص کے دل کی شریان اکلیلی (کارونری آرٹری) میں تنگی ہوتی ہے، ان کے لیے لہسن بہت افادیت کا حامل ہے۔

5۔ جلد ، بالوں کی نشوونما میں لہسن اپنے  Amino acid‘ کے ذریعے فائدہ پہنچاتا ہےتو اس مقصد کے لیے  لہسن مرغی کی یخنی میں ملا کر استعمال کرنا بہترر ہےگا۔

6۔ لہسن میں پایا جانے والا وٹامن سی زبان کے ذریعہ آخذ خلیات ِ لسانی بہت جلد جذب ہوتا ہے جس وجہ سے  جِلد میں خوبصورتی اور آنکھوں کے چند امراض میں مفید ہے۔

7۔ اس میں موجود کیلشیم کے ساتھ وٹامن ڈی اس قدر ہوتا ہے کہ کیلشیم جلد جذب ہو جاتا ہے جس کی وجہ سے  ہڈیوں کی لچک بحال رہتی ہے۔ بوڑھوں کی ہڈیاں کیلشیم کے استعمال سے دکھنے لگتی ہیں، مگر لہسن میں موجود کیلشیم سے انہیں بھی بہتری محسوس ہوتی ہے۔

8۔ شوگر میں مبتلا حضرات کو لہسن اس لیے مفید ہے کہ یہ ’ انسولین‘ رزسٹ ٹینس ‘ کو درست کرتا ہے۔اکثر مریضوں کو ذیابیطس کی شکایت رہتی ہے۔ ادویہ اور انسولین ٹکیوں کے استعمال کے باوجود ان کی شوگر زیادہ رہتی ہے، ایسے اشخاص کو بھی لہسن مرغ کی یخنی میں ملا کر استعمال کرنا چاہیے،کیونکہ لہسن کے اجزاء ذرا پھول جاتے ہیں اور معدہ جلد ہی انہیں ہضم کرسکتا ہے۔مزید یہ کہ پانی کے ساتھ اجزاء آنتوں میں جلد اتر جاتے ہیں۔

9۔ ضدِ حیوی ہونے کی وجہ سے لہسن ایک حد تک (نیروسپیک ٹرم) اینٹی فنگل، اینٹی وائرل، اینٹی بیکٹریل ہے، سینے، دماغ اور جِلد کے جراثیم کو بخوبی ختم کردیتا ہے، مگر معدے میں کچھ حد تک ہی ضدِ حیوی فعل انجام دیتا ہے، بلکہ درد کرنے کا خطرہ رہتا ہے۔

10۔ جن اشخاص کے ناک میں ورم (سائینو سائی ٹِس) ہوتا ہے، ان کے لیے’پروسسڈ روغنِ لہسن‘ کے چند قطرے ناک کے نتھنوںپر ٹپکانے سے بند ناک (نیزل کانجیشن) فوراً کھل جاتی ہے۔

لہسن کے نقصانات

  لہسن کے فوائد کے ساتھ ساتھ اس کےکچھ نقصان بھی ہیں ۔لہسن کا خاصہ یہ ہےکہ اکثر جو ادویہ بھوک کم کرتی ہیں وہ میٹابولزم کم کرتی ہیں۔ اسی لیے ادویہ کا انتخاب کرنا ہوتا ہے کہ ایک دوا استحالہ کم کرے اور دوسری میٹابولزم بڑھائے ، مگر لہسن ایسی غذاء /دواء ہے کہ استحالہ بھی بڑھاتا ہے اور بھوک بھی کم کرتا ہے۔اگرچہ تیزابیت ، السر ، گردے اور جگر کے مریضوں کو اس سے پرہیز کا کہا جاتا ہے کیونکہ یہ گرم اور خشک ہےاورگردے کو گرم کر سکتا ہے۔جگر کے خامرات کی مقدار بڑھا دیتا ہے۔تیزابیت بڑھاتا ہے اور السر کے مریضوں کو تیزابیت ضرر پہنچاتی ہے۔

 لہسن کی اصلاح کیسے کریں؟

1۔ لہسن سفوف کو کیپسول میں ڈالنے سے جلن پیدا کرنے کی کیفیت کم ہو جاتی ہے۔

 2۔ اگر تیزابیت ہو جائے تو پانی میں سبوس اسپغول(چھلکا اسبغول )  کا استعمال کریں۔

 3۔ نیند کم ہو جائے تو دودھ میں روغنِ بادام ملا کر پینے سے نیندکی کمی رفع ہو جاتی ہے۔

لہسن  استعمال کی مقدار

لہسن کی اتنی ہی مقدار استعمال کی جائے کے پسینے سے اس کی بو نہ آئے۔ایک دن کے اندر دو جوئے لہسن استعمال کرسکتے ہیں اگر یخنی  میں ملا کر استعمال کیا جائے تو چھ جوئے تک استعمال کیےجاسکتے ہیں۔